Mae’r gwerthusiad wedi tynnu sylw at nifer o fuddion a heriau sy’n gysylltiedig â datblygu, cyflwyno a manteisio ar y cynnig.

Yn gyffredinol, mae’r canfyddiadau’n gadarnhaol. Mae arwyddion cadarnhaol o ran rhieni’n nodi mwy o hyblygrwydd yn y mathau o swyddi y maen nhw’n eu gwneud, yr oriau y maen nhw’n eu gweithio, a’u hincwm gwario. Prin yw’r dystiolaeth sydd ar gael i bennu’r effaith ar hyn o bryd oherwydd bod y gwerthusiad yn ei flwyddyn gyntaf.

Mae’r sawl sy’n gwerthuso wedi argymell bod Llywodraeth Cymru yn ystyried y canlynol ymhellach:

• sicrhau bod y broses gwneud cais/prawf cymhwyster yn haws ac yn gyson i bob rhiant sy’n gweithio

• gwella a chanoli’r dull o gyfathrebu o bosibl

• rhoi mwy o wybodaeth a gwybodaeth fwy eglur i helpu rhieni i ddod o hyd i gostau gofal plant gan ystyried y Credyd Treth Plant

• alinio’r ddarpariaeth gofal plant â’r ffordd y caiff darpariaeth Feithrin y Cyfnod Sylfaen ei chyflwyno o ran mynediad i rieni a threfniadau ariannu

• y perthnasau gwaith rhwng ysgolion sy’n cynnig darpariaeth Feithrin y Cyfnod Sylfaen a darparwyr gofal plant

• elfennau o’r ddarpariaeth gan gynnwys codi tâl am oriau ychwanegol gan ddarparwyr, a’r defnydd o’r gyllideb anghenion addysgol arbennig (AAA) gan awdurdodau lleol sy'n weithredwyr cynnar a darparwyr y cynnig

• gwaith ymchwil pellach i roi tystiolaeth bendant ar effaith y Cynnig Gofal Plant i Gymru.

Cewch hyd i ddogfennau cysylltiedig yma.