‘Eich Bywyd Ar-lein’ a ‘Cadw Eich Hun yn Ddiogel Ar-lein’

Mae gennym rifynnau arbennig newydd o’r cylchgrawn i bobl ifanc, Ffynnu – ‘Eich Bywyd Ar-lein’ a ‘Cadw Eich Hun yn Ddiogel Ar-lein’.

Y llynedd, gwnaeth Rhwydwaith Maethu Cymru gwrdd â phobl ifanc o Gymru a gweithio gyda nhw i glywed eu barn am y byd digidol a sut i gadw’n ddiogel ar-lein.

Rhannodd y bobl ifanc eu harbenigedd a’u gwybodaeth gyda ni a helpodd i ddatblygu’r ddau rifyn diweddaraf. Rydym am ddiolch yn fawr i’r rhai hynny a gymerodd ran – NYAS Caerphilly Shout Out; Fairwater Bright Sparks; Ysgol Uwchradd yr Eglwys Newydd, Caerdydd a Voices from Care Cymru.

Nod y ddau gylchgrawn yw helpu pobl ifanc mewn gofal i ystyried sut y maen nhw’n defnyddio’r rhyngrwyd a chyfryngau cymdeithasol, y pethau cadarnhaol a’r peryglon, wrth edrych hefyd ar sut y gallant gefnogi eu hunain a’i gilydd i aros yn ddiogel a gofalu am eu lles ar-lein. Mae’r rhifynnau newydd ar gael am ddim yma. Rhannwch nhw gyda’ch tîm, eich cysylltiadau a’r bobl ifanc rydych yn gweithio gyda nhw.

Eich Bywyd Ar-lein – English / Cymraeg

Cadw Eich Hun yn Ddiogel Ar-lein – English / Cymraeg

Cyhoeddwyd rhifyn cyntaf Ffynnu yn 2005 ac ers hynny mae wedi bod yn rhoi gwybodaeth, cymorth ac arweiniad i blant a phobl ifanc sydd mewn gofal maeth ledled Cymru. Mae’r cylchgrawn yn rhoi platfform safonol sy’n grymuso pobl ifanc i ddweud eu dweud ac i fynegi eu barn ar yr hyn sy’n bwysig iddynt. Ewch i’r wefan yma i weld rhifynnau blaenorol Ffynnu.

Rhwydwaith Maethu Cymru

I gael rhagor o wybodaeth, cysylltwch â: Charlotte.Wooders@fostering.net

Efallai y bydd hefyd gennych ddiddordeb yn y blogiau cysylltiedig hyn am bobl ifanc ar-lein;

http://www.exchangewales.org/single-post/2019/02/20/Social-Media-and-Young-People-in-Care-the-Case-for-Digital-Literacies-and-Resilience

Dr Cindy Corliss

http://www.exchangewales.org/single-post/2019/04/11/Cyberbullying

#teuluachymuned #gofalacaddysg